كيفية تنظيف البشره

كيفية تنظيف البشره 

علشان تحافظى على بشرتك نظيفه ومشرقه لازم تنظفيها باستمرار بطرق تنظيف تساعدك على كده وتساعدك تعمليها فى البيت وأنا هقولك كيفية تنظيف البشره فى المنزل وهقولك على طرق سهله ونتيجتها جميله جدا وهقولك برده على طرق تنظيف البشره بالبخار طبعا موضوع البشره والشعر بنات كتير أوى ديما بتسأل عن الموضوع ده عن أفضل طريقة لحل مشاكل البشره والحفاظ عليها بصفة خاصة ومعالجتها ووقايتها وكيفية تنظيف البشره فى المنزل

عندنا وصفات كتير أوى لتنظيف البشره وماسكات لتفتيحها ونضارتها وده طبعا بيتم حسب نوع كل بشرة يعنى كل بشرة وليها الماسك الخاص بيها وليها عناية خاصة فانا أولا هكلمكو عن أنواع البشرة:

  1. 1-البشرة الجافة: ودى بتكون فى الصيف أو الشتاء جافة جدا والبشرة دى بتحتاج لمرطبات طول فترة الشتاء خاصة لأن الشتاء عموما بيقل فيه شرب المياه وبالتالى أى نوع من أنواع البشرة بيتأثر بقلة شرب الميه فاالبشره بتبدأ تجف فاالبشرة الجافة ضرورى تحتاج الى مرطبات بتساعدها انها تكون طريه وناعمه وبتساعدها على عدم تقشير البشره.
  2. 2-البشرة الدهنيه: وده أكتر نوع بتكون مشاكلة كتير جدا بسبب كثرة افراز الدهون فى الوش وأكتر بشرة بيكون فيها حبوب ومسام واسعة وأسار للحبوب ودى ليها طريقة تنظيف وتعامل خاصة ولازم نستخدم غسول مناسب ليها علشان نقلل ظهور الحبوب وكمان نشرب ميه كتير علشان نحافظ على حيوية البشرة ونضارتها.
  3. 3-البشرة المختلطه: ودى بيكون فيها أجزاء جافه أو مائلة للجفاف وبيكون فيها بعض الأجزاء زى الأنف والجبهه دهنيه فاحنا بنتعامل معاها باستخدام غسول خاص للبشرة المختلطه وبالنسبة لكريمات الطرطيب بيكون عندنا كريم مرطب للبشرة الجافة بنحطه على الأجزاء الجافة ومرطب للبشره الدهنيه بنحطه على الأجزاء الدهنيه ومشكلة البسرة دى ان بيكون فيها حبوب فى الأجزاء الدهنيه.
  4. 4-البشره العادية: ودى من أفضل أنواع البشرة لأنها بشره سهل التعامل معاها وبتكون خالية تماما من الحبوب والمشاكل اللى بتواجهنا فى أنواع البشرة اللى قولنا عليها قبل دى.

طريقة تنظيف البشره بالبخار

افضل الطرق لتنظيف البشره

كيف انظف بشرتى فى المنزل:

علشان نعمل ماسك ويجيب نتيجه كويسة لازم نعمل خطوه مهمة قبل أى حاجة وهيه اننا ننظف بشرتنا كالأتى:

  • أولا علشان ننظف البشره كويس وتكون جاهزه لاستقبال أى ماسك لازم ننظفها كويس جدا وبعمق شديد وده عن طريق فتح مسام البشرة وده بيتم فى البيت عادى عن طريق اننا نجيب حله نحط فيها ميه وشوية مية ورد ونعناع ونحطها على النار لغاية ماتلى وتطلع بخار وبعدين نجيب فوطه نحطها على شعرنا ونحط وشنا أدام الحله فالبخار هيطلع على وشنا فانسيبه مباشر على وشنا لمدة من خمس لعشر دقايق بتكون مسام البشره اتفتحت وجاهزه للتنظيف
  • ثانيا نغسل وشنا كويس بالغسول المناسب لنوع البشره بمياه دافيه
  • ثالثا نعمل اسكراب وهوه عباره عن شوية ملح أو سكر وعليه ملعقة صغيره من العسل وعليه عصرة ليمونه والبشرة الحساسة بلاش ليمون خالص فى الوصفه دى ،بنضيف السكر أو الملح ملعقتين من أى واحد فيهم على ملعقة العسل وبنقلبهم مع بعض و بعدين ناخد منهم ونحط على بشرتنا ونفضل ندلك البشره بيهم بحركات دائريه لمدة خمس دقايق وبعدين نغسل وشنا بميه دافية وبعدين ننشف البشره بالراحه جدا والمنشفه تكون ناعمه وبكده البشره بقت نظيفه
  • رابعا لو عايزه تعملى ماسك علشان يعطى نضاره للبشره بعد التنظيف هقولك على ماسك مناسب لجميع أنواع البشره

الماسك المناسب لجميع أنواع البشره:

مكوناته: ملعقة بن + ملعقة عسل أبيض + عصرة ليمونه (اختيارى)

طريقة العمل: بنخلط كل المكونات دى على بعض لغاية مايبقو متجانسين تماما وناخد الماسك نحطه على بشرتنا ونوزعه ونسيبه لمدة نصف ساعه على البشره وبعدين نشطف وشنا بميه فاتره

وأخيرا بنجيب مكعب تلج علشان نقفل المسام وتفضل نظيفه ونمشيه على بشرتنا وده بيساعد على تنشيط الدوره الدمويه للبشره وبعدين نرطب البشره بالمرطب المناسب ليها.

دمتم جميلات

 

روابط قد تهمك:- شركة تنظيف بالبخار بالطائف ، شركة تنظيف بالطائف ، شركة تنظف كنب بالطائف

myhome-riyadh.com

كيفية تنظيف البشره  علشان تحافظى على بشرتك نظيفه ومشرقه لازم تنظفيها باستمرار بطرق تنظيف تساعدك على كده وتساعدك تعمليها فى البيت وأنا هقولك كيفية تنظيف البشره فى المنزل وهقولك على طرق سهله ونتيجتها جميله جدا وهقولك برده على طرق تنظيف البشره بالبخار طبعا موضوع البشره والشعر بنات كتير أوى ديما بتسأل عن الموضوع ده عن أفضل طريقة لحل مشاكل البشره والحفاظ عليها بصفة خاصة ومعالجتها ووقايتها وكيفية تنظيف البشره فى المنزل عندنا وصفات كتير أوى لتنظيف البشره وماسكات لتفتيحها ونضارتها وده طبعا بيتم حسب نوع كل بشرة يعنى كل بشرة وليها الماسك الخاص بيها وليها عناية خاصة فانا أولا هكلمكو…

كيفية تنظيف البشره فى المنزل

النضاره - 100%
الجمال - 99%
الاناقه - 98%

99%

كيفية تنظيف البشره

علشان تحافظى على بشرتك نظيفه ومشرقه لازم تنظفيها باستمرار بطرق تنظيف تساعدك على كده وتساعدك تعمليها فى البيت وأنا هقولك

تقييم المستخدمون: 4.7 ( 1 أصوات)